Συνολικές προβολές σελίδας

Τετάρτη, 23 Νοεμβρίου 2011

10 αγαπημένα δίστιχα του Γιάννη Κουρτίδη


Αμον τα φύλλα ας σο κλαδίν ντο ρούζ'νε απ'έναν - έναν,
αέτσ' ρούζ'νε τα δάκροπά'μ και ζωγραφίζ'νε εσένα

Οντες κάθεσαι και χτενί'είς πουλόπο μ' τα μαλλία σ',
βάλτς 'ς σην καρδία μ' άψιμον και 'ς σα ψύα μ' φωτίας.

Πόσον καιρόν ογράσευα  με τη φωτογραφία σ',
ν' εφτάγ' ατο και καλατσεύ, ν' ακούω τη λαλία σ'.

Εγάπ' είχα κι εχάσ΄ατο και με την αμελία μ',
'ς σα ξένα χέρα ελέπ' ατο και καείται η καρδία  μ'.

Αχπάσκεσαι και που θα πας κι εμέν τίναν αφήνεις:
κρύον νερόν θα ίνουμαι,' ς σην στράταν για να πίνεις.

Απόψ' είδα σε'ς σ'όρομα μ', πουλί μ' σα θαλασσάκρα
έπεσες' ς σ'εγκαλόπο μου με τη χαράς τα δάκρα.

Ας σα ποταμολάλατσα ας έν' το μαξιλάρι μ'
ας κάθουμαι και λέω σας ντ' εδέβεν σο κιφάκι μ΄.

Τερώ τον ουρανόν γελώ, τη μάυρη γην και κλαίω,
τερώ τα ραχοκέφαλα, παρηυορίαν παίρω.

Τα μέσα τ'ς λεγνοπίαστα, μακρύν έν' το μαλλίν' ατ'ς,
εγώ να έμ' ο άγγελον που θα πάει παίρ' την ψήν ατ'ς.

Πλακίν ντο κείσαι κατωθύρ' 'ς σ' εγάπ'ς ιμ' το πορτόπον,
ελέπ'ς ατέν και χαίρεσαι κι εγώ τρώω το ψόπο μ΄.



Αυτά τα δίστιχα είναι από το πολύ αγαπημένο μας περιοδικό ΆΜΑΣΤΡΙΣ 
του Δημήτρη Πιπερίδη 
 και θέλω να τον ευχαριστήσω θερμά για την καταπληκτική δουλειά που κάνει, άλλα και για την συνεργασία μας ...

Δεν υπάρχουν σχόλια:

Δημοσίευση σχολίου

Twitter Delicious Facebook Digg Stumbleupon Favorites More